ازاى تعمل تسويق بالمحتوى STEPPS – Digital Content Marketing بالعربي

ازاى تعمل تسويق بالمحتوى Digital Content Marketing
ازاى تعمل تسويق بالمحتوى Digital Content Marketing

يعنى ازاى نوصل للعميل عن طريق التسويق بالمحتوى Content Marketing بالعربي – STEPPS

اللى احنا عايزينه و هنكلمه على الحاجة اللى احنا بنقدمها عن طريق محتوى متميز عشان اجذب العملاء عشان يتحول من مجرد قارئ الى مسوق اذا عجبه المحتوى و نشره هنعرف ازاى دلوقت او ممكن يشترى منى
?و التسويق بالمحتوى ليه كذا صورة ممكن نوصل بيه للعملاء يعنى مثلا عن طريق الايميل او نكتب مقالات فى المدونة او طبعا السوشيال ميديا و كمان الفيديوهات

هتلاقي فى الاخر تيمبلت اجندة نموذج التسويق بالمحتوى Content Marketing بالعربي

و دا بقى بيتعمل ازاى ؟

فى واحد اسمه Jonah Berger دا بقى عمل الخلطة السحرية للتسويق بالمحتوى Content Marketing بالعربي لليلة دى كلها و سمها STEPPS و دى اختصارات هنعرفها حالا

1️ – Social Currency

⬅️ بما ان الانسان بطبعه انانى  يعنى بيحب يمتلك المعلومة اللى يكون مميز بيها و يحس ان اول واحد يعرفها عشان كده لو قدرنا نقدم معلومة جديدة او مميزة نحسس بيها الشخص دا ان المعلومة دى هو اول واحد يعرفها او مميز بيها عن باقى الناس اللى حواليه هينشرها و يرددها يعملها شير يعنى و كله يبدا يعمل شير و هكذا

2 – ️Triggers

⬅️ و احنا بنعمل الحملة التسويقية او الفكرة التسويقية اللى بنقدمها لازم نكون بنستخدم كلمة او جملة معينة عشان نرددها على طول و تكون برضو مرتبطة بالمنتج او الخدمة اللى احنا بنقدمها زى مثلا ( القوة بين ايديك – انطلق – عيش اللحظة – افرح ) الكلمة دى ارتبطت بذهن الناس بالبرند بتاعك
 

3️ – Emotions

⬅️ اللى هى المشاعر او العاطفة  اللى بتحرك بيها العملاء المستهدفين و تربطها بالمنتج او الخدمه زى ما قولنا قبل كدة ( افرح – عيش اللحظة – لمة العيلة – انت مش بتنقذ قلب طفل انت بتنقذ حياة عيلة )

4 – Public

⬅️ يعنى المحتوى اللى احنا بنقدمة لازم يكون محتوى عام و ممكن اى حد ينشره و نسهل امكانية المشاركة فى الويب سايت او المدونه

5️ – Practical Values

⬅️ لازم تحط فى اعتبارك ان المحتوى اللى بتقدمه يكون دايما متجدد و مفيد عشان الناس تنشر المحتوى اللى بقدمه او تتكلم عنه كتير عشان كده لازم يكون عندى المعلومة الجديدة و المفيدة و المتميزة

6 – Stories

⬅️ يعنى ياسلام كمان لو بتقدم قصة او حكاية تشرح المنتج او الخدمة بتاعتك و طبعا مش هنتكلم عن TODO ابتكرو شخصيه تحس كدة انها عايشه معنا بالعافيه  و الشخصيه دى ليها قصص و مغامرات و حكايات

⬅️ لو عملنا الخطوات دى المحتوى بتاعنا بقى Viral Content

ازاى بقى تعمل خطة التسويق بالمحتوى دا Content Strategy بالعربي

1 – ️Content Marketing Goals

⬅️ ايه هدفى من المحتوى اللى هقدمه هل عايزين محتوى نعرف الناس المنتج او الخدمه بتاعتنا دى عبارة عن ايه ولا هقدم محتوى عشان ازود بيه عملية البيع و لا محتوى عشان ازود عملاء اكتر او اكبر ولائهم للبراند بتاعى

اهم 15 عنصر فى المحتوى التسويقي Content Marketing

 

2 – Targeted Audience

⬅️ طبعا شارح نفسه  الجمهور المستهدف اللى انا هقدمله المحتوى دا هو مين و عشان اخاطبه بانه طريقه هل هو ناس كبار فى السن دول ليهم اسلوب ولا شباب دول اسلوب تانى ولا مراهقين دول بقى اسلوب تانى خاااااااااااالص  طب سيدات و ياترى ربات منزل ولا مراهقات دول لمضين برضو  و هكذا
و بالتالى هبدأ اعمل محتوى يناسب الفئه اللى هكلمها
اعرف بقى ازاى كيفية تحديد الشريحة المستهدفة في التسويق من اللينك دا
ازاى اقدر احدد العميل Customer ؟

3 – ️Channel Content Strategy

⬅️ هنقدم بقى المحتوى دا فين يعنى كل Channel هنزل عليها المحتوى ليها طريقة هكلم بيها الناس يعنى مثلا لو هنقدمه على Facebook يبقى هنتكلم بطريقة Friendly زى اللى انا بتكلم بيها دلوقتى لو هقدم المحتوى بتاعى على linden او هبعته فى ايميل يبقى لازم اتكلم فورمال او بشكل رسمى بس مش معقد يعنى

هنا كمان هتلاقي افكار لعمل خطة محتوى سوشيال ميديا

30 فكرة لمحتوى السوشيال ميديا

 

4 – ️Calendar and scheduling

⬅️ يعنى بنعمل اجندة التسويق بالمحتوى Content Marketing بالعربي اللى هاينزل على كل القنوات دى طبعا ما ينفعش اكتبه يوم بيوم يعنى اقعد اقول ياترى انا هكتب ايه النهاردة  على الاقل خطة اسبوعيه بالاستراتيجى المتفق عليها و كمان ارعى الاحداث اللى ممكن تحصل و اكون متابع ليها او Trend الناس بتتكلم عنه لانى ممكن استغله و اخليه يخدم المنتج او الخدمة بتاعتى يبقى لازم يكون عندى المرونه فى تغيير المحتوى يبقى لازم يكون عندنا plan كامل لتقديم المحتوى هنكتب ايه هينزل فين و يوم ايه الساعه كام

تقدر تحمل تيمبلت اجندة نموذج التسويق بالمحتوى Content Marketing بالعربي

هنا هتلاقي

نموذج خطة تسويق سوشيال ميديا ونموج استراتيجية تسويق الكتروني

كيفية عمل استراتيجية السوشيال ميديا فى 7 خطوات+ Template

 

 

 
الجدول الدورى لمحتوى التسويق
جدول التسويق بالمحتوى

تقدر كمان تتابعنى على اليوتيوب ديجيتال ماركتينج بالعربي

اترك تعليقاً