الفريلانسر ازاي بتكسب تريليون دولار في الشهر

ازاى تكسب تريليون دولار في الشهر من الفريلانسر
ازاى تكسب تريليون دولار في الشهر من الفريلانسر

الناس كلها هتقولك اشتغل اونلاين فريلانسر و زود دخلك بـتريليون دولار في الشهر

وادخل مواقع الفريلانسر هتجبلك الدولارات في شوال

كل دا بمناسبة إن سعر الدولار بيزيد وهتلاقي نفس النوعية دي من البوستات كل فترة بتظهر كده

كل دا كلام جميل جدا ومش مستحيل انه يتحقق

ازاى تكسب تريليون دولار في الشهر من الفريلانسر

بس تعال كده نشوف الجانب الخفي في شغل الفريلانسر اللي محدش هيقولك عليه

1- محدش هيقولك ان دا عايز وقت و مجهود وصبر سنة واتنين وتلاتة.

2- وطبعا محدش هيقولك ان شغلك لازم يكون مميز وبتطور فيه من نفسك عشان تستمر اصلا السنة والاتنين والتلاتة دول.

اقرأ اسرار الديجيتال ماركتير و الفريلانسر الناجحين

لو انت فريلانسر فى الديجيتال ماركتينج اوعى تتعلم كل حاجة

3- هتلاقيهم حاطين صور لحاجات حققت بيع بالملايين مثلا دا عامل زى انك بتتفرج على زهرة جميلة وريحتها جميلة جدا بس عمرك ما شوفت صاحبها وهو بيزرعها في الطين و يرعها ويرويها كل يوم وخدت وقت قد ايه عشان انت تشوفها وتشمها وتقول الله.

4- عايز اقولك مفيش شغل فريلانسر سهل بيجيب فلوس حلوة من غير كواليس كلها مرمطة وطفح كوته.

اقرأ اهم 7 حاجات عشان تبقى فريلانسر ناجح

5- مش جاي احطلك العقدة في المنشار بالعكس جاي اقولك شمر ايديك وانزل بس خلي بالك الموج عالي احسن ما اسيبك وتلاقي نفسك بتغرق.

6- خلي بالك من اصحاب الوظائف الوهمية اللي كلها ترافك لمواقع و تملى الفورم وهى كلها تجميع داتا مش اكتر عشان عينيك زغللت على رقم بالدولار و شغل سهل.

— فكك من بائعي الوهم من أجل حفنة من اللايكات والشيرات والترافك.

لو حابب تتابعني على اليوتيوب ديجيتال ماركتينج بالعربي

اترك تعليقاً