علشان نقدر نحدد العميل
بيفكر ازاى و اية اللى محتاجة من منتجات او خدمات
بيكون من خلال طرق كتير اهمها
⬅:Surveys
وهما بنسأل العملاء شوية اسئلة بنعرف من خلالها هما محتاجين اية و ارائهم و سلوكياتهم اية
⬅:Discussion Groups
و هنا بنعمل Meeting مع العملاء و نطرح عليهم اسئله
⬅:Direct Contact
هنا حلقة اتصال مباشر مع العميل سواء كان بالتليفون او الايميل او مقابلة شخصية معاه
🔴 ازاى بقى نبتدى حملة تسويقية
⬅:Plan
يعنى لازم يكون عندنا خطة و ليها اهداف محددة ( يعنى تزبيط الشغل اهم من الشغل)
⬅:Execute
التنفيذ هيكون ازاى و اية الادوات و الطرق اللى هنستخدمها علشان ننفذ بيها الخطة
⬅:Measure
و برضة محتاجين نعرف اية الادوات اللى تخلينا نحلل نتائج الحملات دى و و صلنا لحد فين من الاهداف اللى كنا حطنها فى الخطة بتاعتنا
🔴 تعالى بقى نتكلم عن القيمة اللى احنا هنقدمها للعميل نفسه
من خلال استراتيجية اسمها P’s 4 هى اتطورت و بقت P’s 8 بس خلينا فى اول واحدة اللى هى الاساسية اللى بنسميها Marketing Mix اللى لازم نعرفها دلوقتى
⬅:Product
عبارة عن اية منتج او خدمة او فكرة
و الميزة التنافسية هتكون اية و شكلة و شعارة و البراند بتاعة
⬅:Price
سياسة التسعير اللى هننزل بيها السوق هتكون ازاى و دى طبعا بترجع للشريحة المستهدفة زى الطبقة الاجتماعية مثلا او جودة القيمة نفسها
⬅:Place
يعنى الاماكن اللى المفروض نتواجد فيها علشان نقدم المنتج او الخدمة بتاعتنا
⬅:Promotion
بعد ما نحدد كل دا محتاجين بقى نعمل حملات الدعاية و الاعلان و الترويج
سواء كان اوفلاين اللى الطرق التقليدية (راديو-TV- جرايد – او فى الشارع حتى)
او بقى الاونلاين و دا هيبقى الحدوته بتاعتنا هنبتديها من هنا
هو ايه الديجيتال ماركتينج اصلا ؟
