امتى العميل يشترى اونلاين – Marketing Funnel

السؤال اللى حير ناس كتير هو امتى العميل يشترى اونلاين ؟!
طيب لو انت من النوع االى عايز يعمل اعلان النهاردة و يبقى نجيب سويرس بكرة متكملش عشان الموضوع محتاج صبر و تخطيط و تحليل

لو قدرت تخلي العميل يحب الحاجة اللى انت بتقدمها و بقى يثق فيها فانت كدة بقيت بالنسبه له Brand و مش بعيد كمان هو اللى يعملك دعاية و كمان يدافع عنك
بس الموضوع دا بيمر برحلة حلوة كدة تعالوا نعرفها
رحلة العميل للشراء عن طريق التسويق الإلكتروني لأي منتج بتمر بخمس مراحل بتبدأ من التعريف بالمنتج ووصوله
للجمهور المستهدف لحد ما بيوصل للهدف الرئيسي من التسويق ده سواء بشراء المنتج او التسجيل في الموقع
ودا بقى يطلق عليه الـ Marketing Funnel و قمع التسويق او المخروط التسويقي وهو عبارة عن المراحل رحلة العميل لخدمة عشان يقتنع بمنتجك او خدمتك 
هنعرف دلوقتى المراحل الخمسة اللي بيمر بيها العميل المحتمل مع أي منتج قبل شراءه:

1- الوعي – Awareness

دى مرحلة الانتشار يعنى تخلى الناس كلها تعرفك و تعرف انت هتقدملهم اية وجذب الإنتباه للخدمة أو المنتج اللي أنت بتقدمه واللي أكيد لسه مفيش أي حد يعرفه أو سمع عنه طبعاً ده بيكون من خلال خطة مدروسة ومهم اوي في المرحلة دي انك توصل للعميل أن منتجك او خدمتك هيقدر يحل ليه مشكلة عنده
وتقدر تحقق الإنتشار المطلوب في المرحلة دي من خلال عمل SEO لموقعك الإلكتروني أو من خلال إعلانك على جوجل أو على مواقع السوشيال ميديا المختلفة، طيب هتقدر تقيس ازاي مدى الوصول أو الإنتشار اللي حققه إعلانك من خلال قياس مرات الظهور Impressions أو عدد الزوار Visitors واللي بتظهر من خلال Google Analytics أو من خلال تحليلات فيسبوك وتويتر وانستجرام للإعلان

2- الاهتمام – Interest – Consideration

و هنا هنبدا نضيق حجم الجمهور للناس اللى فعلا اهتموا بالحاجة اللى بتقدهما بس مش شرط كلهم يبقوا عملاء
وفي المرحلة دي بتبتدي تعرف العميل بمنتجك أكتر من خلال شرحها وتوضيح مزاياه ودورها في حل المشكلة اللي صممت لأجلها وده عن طريق تقديم محتوى جاذب يساعد العملاء ويعرفهم أكثر على منتجك علشان يبقوا مهتمين أكثر باللي بتقدمه
والمرحلة دي لازم يكون الهدف اللي أنت عاوز توصله من خلالها مش البيع ولكن يكون مساعدة المستهلكين في اتخاذ القرار الصحيح بالشراء وتعريفهم بشكل أكبر على المنتج اللي بتقدمه

3- القرار او التحول – Decision or Conversion

و هنا العميل اللى كان مهتم بس هيتحول لمشترى
بعد ما بدأ جمهور معين يهتم بيك ويركز أكثر معاك ونجحت في جذبهم لمنتجك عن غيره من المنتجات هيبدأو يأخذوا خطوة انهم يتعاملوا معاك ويتحولوا لعملاء حقيقيين ويشتروا منتجك
وفي المرحلة هيكون ده الوقت المناسب علشان تشجعهم أكتر يعني تعرض عليهم عروضك زى (الشحن مجاني، كوبون خصم، منتج مجاني.. الخ) ولازم يكون في Call-to-Action واضحة تساعدهم زي اشتري الآن، تواصل معنا وغيرها
وهنا تقدر تقيس المرحلة دي من خلال عدد المتصلين او التسجيل فى الموقع او الرسائل او نماذج التسجيل (فورم بيملاها )

4- الولاء – Loyalty

ممكن تسميها مرحلة التقييم كل ما كانت الحاجة اللى بتقدمها كويسه هتنول رضا العملاء و يبقى ليهم ولاء للبراند بتاعك
بعد ما بقي عندك عملاء مهتمين بيك وبمنتجك وبيشتروا منك مهم اوي انك تحافظ عليهم لأن استمرار التواصل مع العميل بعد البيع أمر مهم وسر من أسرار الحفاظ عليه وتحقيق الولاء لمنتجك و شركتك وبالتالي هيشتري منك اكتر من مرة وأنت وشطارتك أنك تخليه يفضل يشتري منك طول العمر و ميفكرش يروح لغيرك 

5- العميل المسوق – Advocacy

و دى المرحلة اللى بيتحول فيها العميل لمسوق و يرشح البراند بتاعك لناس تانية ينصح بيها أصحابه وكل اللي يعرفهم أنهم يتعاملوا معاك ويشتري منتجك وبيبقي كدا وصل لمرحلة انه بيعمل ترويج لمنتجك 
مش بس كدة كمان هيدافع عنك مرحلة Word Of Mouth

marketing funnel

لو استفد اعمل شير و انشر المعلومة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *