15 نقطة مهمه حطها في اعتبارك في كتابة المحتوى التسويقي Content Marketing

1-  انطباع عملائك عن محتواك

لازم تبقى عارف ان اكتر من 70% من العملاء بياخدو انطباعهم الإيجابي عن الشركة بتاعتك من المحتوى التسويقي اللى انت بتقدمه عشان كده لازم تقدم محتوى مفيد يبلي رغباتهم فى المعلومة او السؤال اللى بيدور في ذهنهم.

2- اعرف عملائك المستهدفين

اعرف عملائك بيفكروا فى ايه و محتاجين يعرفوا ايه قبل ما تبدا تقدم لهم المحتوى التسويقي بتاعك و كمان لازم تختار منصة التواصل الاجتماعي المناسبة اللى هيكون عليها جمهورك المستهدف سواء كان موقع فيسبوك – انستجرام – سناب شات – تيك توك وهكذا.

كيفية تحديد الشريحة المستهدفة

3- الجمهور القليل المتفاعل افضل

دايما كلمه بنحب نرددها جمهور قليل متفاعل احسن من جمهور كتير مش بيسمعك و اوعى تغلط اكبر غلطة و تشتري صفحات او فولورز او لايكات لانها مش هتنفعك و هتوقع منك التفاعل ( مش بعدد اللايكات و الفولورز لامؤخذه 😂✋)

عدد اللايك على الفيسبوك مالوش لازمة

4- جدول و خطة زمنية للمحتوى

تبقى عارف انت هتقول ايه و فين و امتى يعنى على حسب جمهورك المستهدف و منصة التواصل الاجتماعي المناسبة و توقيت المحتوى التسويقي سواء كان موعد يومي او مناسبة عالمية او محلية ( مش ياترى هنقول اية النهارده )

مستعد للترند اللى جاي ؟

5- مرونة خطة المحتوى

متناساش و انت بتعمل استراتيجية التسويق تراعى فيها المرونة و القابلية للتعديل على حسب النتائج الأولية للخطة الموضوعة ( مش دستور يعنى )

6-  تنوع المحتوى

دايما خلى المحتوى التسويقي بتاعك متنوع ما بين (مقال – صورة – فيديو – وهكذا) ماتنساش تعمل فيديوهاتك على موقع اليوتيوب مهمه لانه يعتبر تانى اهم محرك بحث بعد جوجل

ليه اليوتيوب بقى مهم لأى بيزنس ؟

7- التفاعل مع الجمهور

تفاعل مع الجمهور بتاعك و افهم منهم محتاجين يعرفوا ايه من خلال تعليقاتهم و رسائلهم لان دا هيفيدك كمان و يديك افكار و مواضيع و هيطرح عليك اسئلة تستخدمها فى كتابة المحتوى

ازاى ترد على التعليقات السلبية من العملاء على السوشيال ميديا

8- المحتوى القصصي

الناس بتحب القصص و الحكايات ممكن تقدم محتواك من الصيغة دى يعنى مثلا قصة بداية مشروعك فكرته هدفك منه لو فيه مشاكل واجهتك وقدرت تتغلب عليها وهكذا.

30 فكرة لمحتوى السوشيال ميديا

9- لما تكون الشركة

بتاعتك عامله ايفينت معين حاول تشارك جمهورك من خلال الـ Live

10- الانفوجرافك

مهم جدا لانه بيقدم معلومات مهمة بشكل بسيط و جذاب و و بيزود تفاعل الجمهور

11- اهتم بأسم الموضوع

و عنوانه لان 80% من الجمهور العنوان هو اللى بيخليه ياخد قرار التفاعل

12- نسق المحتوى التسويقي

بشكل جذاب و نقط مهمه الجمهور بيركز اكتر لما تقوله المعلومة فى 1-2-3

13- اوعى تختزل المحتوى التسويقي

اللى انت بتقدمه فى المبيعات و بس خصوصا على مواقع السوشيال ميديا لان الناس بتحب اللى بيقدم معلومة محدش بيدخل مواقع السوشيال ميديا عشان يعمل شوبينج الناس داخله مواقع السوشيال ميديا للترفيه فى الاساس 😎😛

اهم خمس مراحل لبناء استراتيجية المحتوى التسويقي
8 خطوات لعمل استراتيجية محتوى لموقعك الالكترونى

14- تصميم صور المحتوى

الصورة اللى بتنزل مع المحتوى مهمه 95% من الجمهور بيتفاعل مع الصورة اكتر لانها بداية التفاعل مع المحتوى التسويقي  نفسه فحاول يكون التصميم جذاب وله فكرة

15- مهم جدا في كتابة المحتوى التسويقي Content Marketing

اللى بيتقدم خصوصا على مواقع السوشيال ميديا ( يكون فيه الزتونه 😂) يعنى مختصر و مفيد و يوصل الرساله و تقدمه على حسب ما يناسب كل موقع من مواقع التواصل الاجتماعي
انما بقى لو عايز تعرف كتابة المحتوى التسويقي بيتعمل ازاى اصلا

STEPPS :

1️ – Social Currency

2 – ️Triggers

3️ – Emotions

4 – Public

5️ – Practical Values

خطة التسويق بالمحتوى Content Strategy

1 – ️Content Marketing Goals

2 – Targeted Audience

3 – ️Channel Content Strategy

4 – ️Calendar and scheduling

كل التفاصيل و كمان تقدر تحمل تيمبلت اجندة نموذج التسويق بالمحتوى

ازاى تعمل تسويق بالمحتوى STEPPS – Digital Content Marketing بالعربي
✔️ متنساش بقى تعمل شير لغيرك يستفيد و بلاش انانية 😂✋

اقرأ كمان اهم 12 موقع لتعليم كورس كتابة المحتوى – content writing

ممكن كمان تتابعنى على اليوتيوب ديجيتال ماركتينج بالعربي