ما هى اساسيات التسويق و عناصره

ايه هى اساسيات تسويق اساسا
ايه هى اساسيات تسويق اساسا

عشان نبتدى كلامنا عن الديجيتال ماركتينج Digital Marketing يبقى لازم نعرف يعني إيه هى اساسيات التسويق Marketing


من غير كلام اكاديمى مقعد و رغى كتير ع الفاضى اسهل و ابسط تعريف ممكن نقوله عن التسويق يكون مفيد لينا فيما بعد في شغل الديجيتال ماركتينج Digital Marketing
هو إزاي تقدم (Value) قيمة للعميل ( Customerss) بتوعي من خلال قنوات التواصل(Communication Channels) اللي عندك وتعرضها ليهم بشكل مبدع (Creative) يخليك تبني علاقة مع العملاء (Relationship) محترمة معاهم
اللى هو اية برضة 😀

هنبسطها فية 3 عناصر اساسية فى اساسيات التسويق اللى هما


1-Value / Creativity:


و دي قيمة الشئ اللى انت هتقدمها للعملاء بتوعك، ممكن تكون
منتج ( اكل – شرب – اجهزة – عد زى مانت عايز )
خدمة (مواصلات – ترفيه – علاج – و اكتر )
فكرة (انت الحل استهلك اقل – هنوصل الدعم – اى حاجة ليها علاقة بالتوعية او تغيير الثقافة )

المهم بقى انت هتقدم اى حاجة من الحاجات دى بطريقة مختلفة و جذابة
عشان تقنع بيها الناس و يهتموا بيها
و اهم حاجة فى المجال دة بيعلمك ازاى تكسر الروتين و القاعدة


2- Communication Channels:

قنوات التواصل يعنى الناس دى هنكلمهم ازاى و فين عشان نعرفهم بالحاجة اللى احنا عايزين نقدمهما
⬅فية طرق تقليدية :
زى التلفزيون- الراديو- اعلانات الطرق و الشوارع – الجرايد
⬅طرق الكترونية ( طبعا دة هنتكلم عنة بالتفصيل الملل 😉) :
المواقع الالكترونية – مواقع التواصل الاجتماعى
ايه هى السوشيال ميديا ?!
كيفية عمل موقع الكتروني

اقراء اكتر عن سوشيال ميديا بالعربي
تصميم المواقع و المتاجر الالكترونية


3- Customer / Customer Relationship:

لو قدرت تخلي العميل يحب الحاجة اللى انت بتقدمها و بقى يثق فيها فانت كدة بقيت بالنسبه له براند يا
معلم ( Brand) و مش بعيد كمان هو اللى يعملك دعاية و كمان يدافع عنك
كيفية تحديد العميل الشريحة المستهدفة ؟
و عشان توصل للمرحلة دى مع العميل لازم تعدي على كذا حاجة فى مراحل التسويق

🔴 Awareness:

دى مرحلة الانتشار يعنى تخلى الناس كلها تعرفك و تعرف انت هتقدملهم اية ( يعنى خلى اللى مايشترى يتفرج )

🔴 Consideration:

و هنا هنبدا نضيق حجم الجمهور للناس اللى فعلا اهتموا بالحاجة اللى بتقدهما بس مش شرط كلهم يبقوا عملاء

🔴 Conversion:

و هنا العميل اللى كان مهتم بس هيتحول لمشترى

🔴 Loyalty:

ممكن تسميها مرحلة التقييم كل ما كانت الحاجة اللى بتقدمها كويسه هتنول رضا العملاء و يبقى ليهم ولاء للبراند بتاعك

🔴 Advocacy:

و دى المرحلة اللى بيتحول فيها العميل لمسوق و يرشح البراند بتاعك لناس تانية مش بس كدة كمان هيدافع عنك مرحلة Word Of Mouth

اقرا اكتر عن قمع التسويق 5 مراحل رحلة العميل يشترى اونلاين – Marketing Funnel

marketing funnel

تقدر تتابعنى على اليوتيوب

This Post Has One Comment

اترك تعليقاً