خد بالك و انت بتعمل Content Marketing

15 نقطة مهمه حطها فى اعتبارك و انت بتعمل المحتوى 😊


1-  لازم تبقى عارف

ان اكتر من 70% من العملاء بياخدو انطباعهم الايجابى عن الشركة بتاعتك من المحتوى اللى انت بتقدمه

2- اعرف عملائك

بيفكروا فى ايه و محتاجين يعرفوا ايه قبل ما تبدا تقدم لهم المحتوى بتاعك

3- دايما كلمه بنحب نرددها

جمهور قليل متفاعل احسن من جمهور كتير مش بيسمعك ( مش بعدد اللايكات و الفولورز لامؤخذه 😂)

4- دايما تعمل جدول و خطة زمنية

تبقى عارف انت هتقول ايه و فين و امتى ( مش ياترى هنقول اية النهارده )

5- ماتنساش

و انت بتعمل الخطة تراعى فيها المرونة و القابلية للتعديل ( مش دستور يعنى )

6- دايما خلى المحتوى بتاعك

متنوع ما بين (مقال – صورة – فيديو – وهكذا) ماتنساش فيديوهاتك على اليوتيوب مهمه لانه يعتبر تانى اهم محرك بحث بعد جوجل

7- تفاعل مع الجمهور بتاعك

و افهم منهم محتاجين يعرفوا ايه من خلال تعليقاتهم و رسائلهم

8- الناس بتحب

القصص و الحكايات ممكن تقدم محتواك من الصيغة دى

9- لما تكون الشركة

بتاعتك عامله ايفينت معين حاول تشارك جمهورك من خلال الـ Live

10- الانفوجرافك

مهم جدا لانه بيقدم معلومات مهمة بشكل بسيط و جذاب و و بيزود تفاعل الجمهور

11- اهتم بأسم الموضوع

و عنوانه لان 80% من الجمهور العنوان هو اللى بيخليه ياخد قرار التفاعل

12- نسق المحتوى

بشكل جذاب و نقط مهمه الجمهور بيركز اكتر لما تقوله المعلومة فى 1-2-3

13- اوعى تختزل المحتوى

اللى انت بتقدمه فى المبيعات و بس خصوصا على السوشيال ميديا لان الناس بتحب اللى بيقدم معلومة (الناس داخله السوشيال ميديا للترفيه فى الاساس 😎😛 )

14- الصورة اللى بتنزل

مع المحتوى مهمه 95% من الجمهور بيتفاعل مع الصورة اكتر من المحتوى نفسه فحاول يكون التصميم جذاب وله فكرة

15- مهم جدا ان المحتوى

اللى بيتقدم خصوصا على السوشيال ميديا ( يكون فيه الزتونه 😂) يعنى مختصر و مفيد و يوصل الرساله
انما بقى لو عايز تعرف المحتوى التسويقى بيتعمل ازاى اصلا يبقى لازم تقرأ البوست دا اللى فى اللينك ده 😉
ازاى تعمل تسويق بالمحتوى Digital Content Marketing
✔️ متنساش بقى تعمل شير لغيرك يستفيد و بلاش انانية 😂

شارك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *