الجودة و الخدمه زي الزفت 

هتعمل ايه لو عميل كتب كده في كومنت او بعت في رساله 😂

⬅️ عشان ترد باحترافية لازم تتبع الخطوات دي 😉

1 – اولاً:

اوعى تستسهل و تحذف الكومنت او متدرش على الرسالة
لانك كدة بتأكد للعميل ان فعلا فى شيئ غلط او مريب 😏

2 – ثانياً:

اوعى ترد على العميل وانت متعصب او متضايق سواء كان من العميل نفسه ( لان فيه عملاء مستفزين الصراحة 😂🤚 ) او اى حاجة تانية ( الكراش مثلا منكد عليك او عليكى 😂)

3 – ثالثاً:

بعد كده لازم تقرأ الكومنت او الرساله كويس و تفهم ايه سبب المشكله

4 – رابعاً:

يا سلام كمان بقى لو تاخد شوت سكرين منها و تعمل ملف كامل لكل الردود السيئه او السلبيه او اللي فيها مشكله عشان فى المستقبل تقدر تعالج نقط الضعف اللي عندك ممكن تكون فعلا موجوده و تتناقش فيها مع التيم
( تبقى كدة واد خلاصه لاصه و 100 100 😁)

5 – خامساً:

ياريت متتاخرش كتير على الردود السلبيه على الاقل لو مش هتقول حل نهائي بس لازم تحسس العميل انك قريت الكلام بتاعه و مهتم بيه و انك هتتواصل معاه عشان تحل مشكله
✔️ متنساش بقى تعمل شير لزميلك او زميلتك اللى بتتعصب على العملاء 😂✋

شارك