ايه هى معايير ترتيب نتائج الفيديوهات على اليوتيوب

طريقة ترتيب اليوتيوب للفيدوهات ( youtube video seo )
اا – نقطة لتحسين ظهور فيديوهاتك على اليوتيوب

1- عنوان الفيديو

مهم جد يكون بيعبر عن المحتوى و سؤال الـ user

2- وصف الفيديو ( description )

بيكون بيشرح باختصار محتوى الفيديو و اهم النقط اللى فيه و كمان ياريت يكون بيحتوى على الكلمات الرئيسية المستهدفة

3- العلامات الوصفية ( meta tag )

اوعى تستخدم علامات عامة او مش بتعبر عن اللى بيقدمة الفيديو دا بيأثر بالسلب على الفيديو و القناه بعد كدة

4- نص الفيديو و الترجمة

مهمة جدا خصوصا لو المحتوى اللى بتقدمة محتاج لكدة

5- عدد المشاهدات و نسبة المشاهدة من الفيديو

يعنى كام واحد شاف الفيديو و كمان شاف منه مده قد اية

6- مرات تكرار المشاهدة

يعنى مش بس كام واحد شاف و شاف قد ايه لا دا كمان الواحد دا شاف الفيديو كام مرة اصلا و كل مرة بيشوف منه برضو قد ايه و دوخينى يا لمونة

7- التعليقات و المشاركة

طبعا حجم التعليقات بيوضح الفيديو دا بيقدم محتوى كويس و الناس بتتفاعل معاه ولا لا و كمان الشير بيوضح الاهمية اكتر

8- معدل النقر للظهور ( CTR )

يعنى الفيديو دا بيظهر كام مرة فى عمليه البحث و كام مرة حد شافه يعنى مثلا ظهر الف مرة بس اللى كليك عليه 100 مثلا يبقى CTR 10%

9- الروابط الخارجية ( backlinks )

حجم انتشار لينكات الفيديو فى المواقع كنوع من التنويه عن مصدرها للمحتوى اللى موجود فى الفيديو

10- تخيل بقى رقم عشرة اية like & dislike

صدمة مش كدة ان المعيار دا لليوتيوب فى الترتيب دا عشان كدة دايما الناس فى العموم تلاقيها بتقيس الفيديو بالـ view مش بالـ like

11- جودة الفيديو

ايوه ماتخفش حتى لو امكانيات تصويرك مش عالية و مش احترافية المحتوى هو كل شئ بس طبعا يفضل الجودة ماتقلش عن HD 1280*720px و دى موجودة فى اى موبيل عادى

من هتعرف ليع اليوتيوب مهم لاى بيزنس

شارك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *