كيفية عمل موقع الكتروني

عمل موقع الكتروني
عمل موقع الكتروني

كيفية عمل موقع الكتروني لان التسويق الالكتروني ماينفعش من غير موقع الكتروني


لازم نعرف ان من اساسيات التسويق الالكتروني ان يكون موجود موقع الكتروني لان زى ما قولنا قبل كده ان دا المقر الرسمى ليك على الانترنت



و طبعا عشان تشتغل فى الديجيتال ماركتينج لازم يكون فكرة عامة عن كيفية عمل الموقع الالكتروني و تصميم المواقع الالكترونية دا بيتعمل ازاى سواء كان فى تصميمة او لغات البرمجة


كيفية عمل الموقع الالكتروني ؟


1- ️ Planning


اللى هو تظبيط الشغل اهم من الشغل 


⬅️Sitemap


يعنى الموقع الالكتروني دا هيتكون من كام صفحة و اية المحتوى اللى هيتكتب فى الصفحات دى و من اشهر الصفحات الاساسية للمواقع بتبقى
Home – About Us – Portfolio – Contact Us -Services / Products


⬅️Site Wire-framing


بعد كده نبدا نعمل تخيل لشكل و تصميم المواقع عادة بيتقسم كالتالى header-body-footer
نبدا نشوف القائمة هتكون شكلها ازاى مكان الصور و الكتابات و الايكونات فين و هكذا


⬅️Site Components

و عند عمل موقع الكتروني

نراعى فى تصميم المواقع المساحات اللى هنحط فيها الـ widgets للسوشيال ميديا و لازم يكون فيه Blog يعنى المدونه اللى هنكتب فيها المقالات و كمان وسائل للتواصل مع الزائر او العميل سواء كان بالايميل او الكومنتات


⬅️Domain Name


عند عمل موقع الكتروني بيبقى ليه دومين اللى هو مثلا www.emadmohamed.com
و لازم و احنا بنختار الدومين يكون سهل و فى نفس الوقت ليه علاقة بالحاجة اللى بنقدمها فى الموقع الالكتروني


⬅️Web Hosting


يعنى المساحه اللى بنشتريها من شركات الاستضافة عشان نعمل الموقع الالكتروني 


⬅️Responsive Design


يعنى و احنا بنعمل تصميم المواقع لازم نعرف ان مش كل الناس هتفتح الموقع الالكتروني من الكمبيوتر لا كمان فية تابلت او موبيل و دى طبعا مساحات الشاشة فيها مختلفة
او ممكن نريح دماغنا و نعمل Mobile Application


2 – Designing


زى ما قولنا قبل كدة ان شكل و تصميم المواقع و سهولة استخدامها فى الوصول للمعلومة اللى محتاجها الزائر او العميل يزور موقعك اكتر من مرة و بعد كدة ومش هيتررد لحظة انه يدخل على موقعك مباشرة من غير حتى ما يدور عليك فى محركات البحث
طيب تعالوا بقى بعنى نعرف كيفية عمل موقع الكتروني و تصميم المواقع ؟


⬅️HTML


و هو اختصار لـ Hyper Text Markup Language و دى اللغه اللى بتفهمها محركات البحث الـBrowser عشان يقدر يحول اكواد اللغة دى للشكل اللى بنشوفه للموقع الالكتروني


⬅️CSS


و دا برضو اختصار لـ Cascading Style Sheets   و دى عشان نظبط بيها المسافات و المساحات و التنسيقات و الابعاد بتاعت تصميم المواقع


⬅️JavaScript / JQuery


و دى لغات برمجة بنستخدمها عشان نقدر نعمل بيها وظايف متنوعة للموقع مش بس يبقى مجرد للتصفح لا كمان الزائر او العميل يقدر يعمل اكشن او اوردر من الموقع زى مثلا الفورم اللى العميل بيملاها و هو بيسجل فى الموقع

3 – Developing

⬅️لحد اللى فات كدة اسمه موقع الكتروني Static يعنى عشان تعدل فية اى حاجة لازم تعملها من اكواد الموقع
انما بقى عشان نخليه Dynamic هنا بيجى دور الـ Developer اللى بيشتغل بلغات برمجة عشان يبقى الموقع الالكتروني فيه لوحة تحكم نقدر نعدل او نضيف من خلالها المحتوى اللى عايزينه
و كمان بنستخدم لغات زى PHP و MySQL عشان نقدر من خلالهم نخزن بيانات العملاء و نعمل قاعدة بيانات
⬅️⬅️ بس طبعا بقى فية مواقع كتير سهلت الكلام دا انك ممكن تعمل موقع الكتروني بنفسك بسهولة عن طريق تيمبلت جاهز من المواقع دى و فيه منها مجانى و فيه بفلوس

نرشح لك لعمل موقع الكتروني بأسعار بسيطة i4uagency

تقدر كمان تتابعنى على اليوتيوب

This Post Has 3 Comments

اترك تعليقاً