يعنى ايه تريند المقاومة على السوشيال ميديا

يعنى ايه تريند و ازاى تعمل مقاومة على السوشيال ميديا و توصل رسالتك بشكل صح


فى البداية كدة لازم نعرف ان اى حدث بيحصل فجأة على السوشيال ميديا و الناس كلها بتتكلم عنه دا اسمه الـ NewsJaking لو عايز
تعرف يعنى ايه تريند على السوشيال ميديا اصلا يبقى لازم تقرأ المقال دا
مستعد للترند اللى جاى

ازاى بقى تعمل تريند على السوشيال ميديا بشكل صح و يوصل قضيتك و رسالتك على نطاق واسع

1 – يعنى ايه تريند على الفيسبوك

فى البداية مش عايز اصدمك و اقولك ان مافيش حاجة اسمها تريند بالهاشتاج على الفيسبوك

مش بس كدة كمان كتر الهاشتاج على الفيسبوك مالوش لازمة و كمان بيضر البوست الافضل ان الهاشتاج مايزيدش عن تلاتة فى البوست الواحد دا اهيفيد كتير

و كمان لما تعمل كومنتات كتير ورا بعض بنفس الكلام و الهاشتاج دا هيضر حسابك و هيتقفل لان الفيسبوك هيعتبرك سبام

2 – يعنى ايه تريند على تويتر

دا موقع اساس التريند بالهاشتاج و بالتالى اشتغل على الهاشتجات براحتك المهم برضو تخلى فى وقت بين كل تويته و التانية عشان برضه حسابك مايتقفلش

3 – يعنى ايه تريند على انستجرام

شارك فى الهاشتجات اللى عليها تفاعل كبير مش لازم حتى يكون ليها علاقة بقضيتك عشان صورك توصل لاكبر عدد

4 – التفاعل مصلحة لعدوك

بلاش تتفاعل مع بوست او صفحة ضد قضيتك حتى لو تعليقاتك ضده لان انت كدة بتساعد على صفحته او البوست بتاعه يوصل لعدد اكبر بالعكس الافضل انك تعمل ريبورت للصفحة او البوست عشان تتقفل او يتحذف

5 – الريفيوهات السلبية

ممكن تعمل ريفيوهات سلبية على كل التطبيقات الكبيرة زى الفيسبوك و انستجرام و تويتر و التيك توك عشان توصل رسالتك

6 – اتبرع صح

تحرى الدقة فى الجهة اللى هتتبرع لها عشان محدش يستغلك لازم تكون جهة رسمية زى مثلا الهلال الأحمر المصري – Egyptian Red Crescent

تحيا مصر تحيا فلسطين

لو استفدت اعمل شير و انشر المعلومة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *