عن اعلان مدينتي رمضان 2020
هو فعلا كل واحد بيدور يعيش مع الناس اللى فى مستواه اجتماعيا و ماديا عادى جدا
انت نفسك لو مادياتك اتحسنت هتدور تعيش فى مكان احسن
ايوة هو فى اعلان مدينتي بيكلم شريحة معينة و عايز يوصل رسالة كونك امكانيتك المادية ماتسمحش تشترى دا موضوع تانى او انك بتظيط فى زيطة الترند دا موضوع تانى برضو
و انك بتلعب ع مشاعر الفقراء عشان تلم لايكات و شيرات عشان احنا شعب طيب و عاطفى دا موضوع تانى خالص
يعنى ممكن لو عايزين نحلل كل الاعلانات من وجهة النظر دى
فودافون : قوتنا فى عزوتنا
تحليل الاعلان : عنصرية ضد الناس اللى مابتخلفش
اورانج : وحشتنا اللمة
تحليل الاعلان : عنصرية ضد اللى مقطوعين من شجرة
وى و اتصالات : عاملين الاعلانات بفلاتر التيك توك
تحليل الاعلان : عنصرية ضد اللى معندهمش اكونت على التيك توك 
اعلان مدينتي : نلقط جملة احنا هنا شبه بعض
التحليل : عنصرية ضد الفقراء
الله ما تحليل الاعلانات طلع سهل اهو هتلاقى اى اعلان سهل اعنصرة فى كلمة
تابع كل جديد على قناتى على اليوتيوب
